პროექტი ინიცირებული და დაფინანსებული იქნა BP-სა და მისი პარტნიორების მიერ საქართველოს მილსადენის კომპანიაში და განხორციელდა კონსულტაციისა და ტრენინგის ცენტრის (CTC) მიერ 2015 წლის მაისი - 2018 წლის მაისის პერიოდში.

პროექტი განხორციელდა ჭიათურის, ზესტაფონის, თერჯოლის, ბაღდათის, ვანის, სამტრედიის, აბაშისა და ლანჩხუთის მუნიციპალიტეტების სამოც სოფელში, იმერეთის, გურიისა და სამეგრელოს რეგიონებში და მიმართული იყო მიკრომეწარმეთა მხარდაჭერაზე ბიზნესის დაწყების/გაფართოების და სამეწარმეო უნარების განვითარების მიზნით.

პროექტის განხორციელების შედეგად:

• 144 მიკრობიზნესმა მიიღო დაფინანსება მათი საქმიანობის დასაწყებად/ გასაფართოებლად ყველა სამიზნე სოფელში; შეიქმნა 137 თვითდასაქმებული სამუშაო ადგილი, გარდა არაპირდაპირი სამუშაო ადგილებისა, რომლებიც წარმოიქმნა მიმწოდებლებსა და შემსყიდვებლებთან კომერციული ურთიერთობების შედეგად;
• მხარდაჭერილი მიკრობიზნესების 93% ფუნქციონირებდა 2018 წლის მაისის ბოლოს და გამოიმუშავებდა საკმარის შემოსავალს საოპერაციო ხარჯების დაფარვისა და ზრდისათვის;
• მეწარმე ქალთა წილი შეადგენდა მთლიანად დაფინანსებული ბიზნესების რაოდენობის 47%-ს, ხოლო 30 წლამდე ახალგაზრდებისა - 15%-ს;
• 315 ადამიანმა გაიარა ტრენინგი ბიზნეს-გეგმის შემუშავებაში;
• ყველა დაფინანსებულმა მიკრობიზნესმა გაიარა უნარების განვითარების პროგრამა საკონსულტაციო და მენტორული მხარდაჭერის სახით;
• 105-მა მხარდაჭერილმა მიკრობიზნესმა გაიარა პროფესიული ტრენინგები;
• მხარდაჭერილი ბიზნესების საშუალო ოჯახური შემოსავალი გაიზარდა 47%-ით;
• მხარდაჭერილი მიკრობიზნესების 30% აწარმოებს საქონელსა და მომსახურებას, რომელიც ადრე მიუწვდომელი იყო მათ თემებში, რის შედეგად ადგილობრივმა მოსახლეობამ მიიღო დამატებითი სარგებელი დროისა და ფულის დანაზოგის სახით.